Carlos
Aguirre, Eusko Jaurlaritzako Ekonomia eta Ogasun Sailburua
Pasa den maiatzaren 9an, Carlos Aguirre
Eusko Jaurlaritzako Ekonomia eta Ogasun
Sailburu karguaz jabetu zen. UPV/EHUn Ekonomia eta Enpresa Zientzietan
Lizentziatua da eta 1998tik Energiaren Euskal Erakundeko Giza-baliabide,
Kalitate eta Sistemen Zuzendaria izan da.
Ekonomia-, eskualde- eta aurrekontu-politikan aditua da eta azken bi
hamarkadetan
Euskadiko Alderdi Sozialistaren ohiko kolaboratzaile gisa ihardun da. Eusko
Jaurlaritzako Ekonomia eta Plangintza Zuzendaria izan zen 1995 eta 1998 artean,
eta lehenago Eusko Jaurlaritzako Ekonomia Arazoetarako Lehendakariordetzako
Zuzendaria eta Ekonomia eta Plangintza Saileko Zuzendaria izan zen.
Bestalde, maiatzaren 12ko Gobernu Kontseiluan Koldo Hualde Ekonomia eta
Plangintza
Zuzendari izendatu zuten.
Euskal Autonomia Erkidegoko Iraunkortasunaren Udal Adierazleak
Eusko Jaurlaritzaren Ekonomia eta
Plangintza Zuzendaritzak, “Euskal Autonomia Erkidegoko Iraunkortasunaren Udal
Adierazleen” 2009ko txostena aurkeztu du berriki Dok Ekonomiaz argitalpenaren
esparruan.
UDALMAP, Euskal Autonomia Erkidegoko Udal Informaziorako Sistemari buruzko
argitalpen honek, proiektuaren esparruan garatu diren metodologia eta egiaztatze
fase ezberdinak, sortu den adierazle sistemaren ezaugarriak, beronen egitura
orokorra eta edukiak eta udalinformaziorako tresna moduan duen erabilera
aurkezten ditu.
Europako Batzordearen udaberriko ekonomia aurreikuspenak
Europako Batzordeak maiatzaren hasieran
aurkeztu zituen ekonomia aurreikuspenen arabera, 2009 ekitaldian Europar
Batasuneko ekonomia %4 uzkurtuko da. Finantza krisialdiak, atzeraldi orokorrak
eta higiezinen merkatuan eman diren zuzenketek, eragin negatibo aizan dute ia
herrialde guztietan.
Europako ekonomia gerra ondorengo atzeraldi ekonomikorik okerrenean murgilduta
dago eta aurreikuspenak oraindik ere zalantzagarriak dira. Europaren etorkizuna,
finantza-krisiaren ondorioen, ekonomia agente ezberdinen erantzunaren eta
zerga- eta moneta-politika sustatzaileen baitan egongo da.
Testuinguru honetan, zerga- eta moneta-politika honek datorren urtearen amaiera
baino lehen ekonomiaren hazkundea bultzatuko duela adierazi du Europako
Batzordeak.
Informazio gehiago...(Ingelesez)
Koiuntura Di-Da batean
Koiuntura Di-Da batean buletinaren
maiatzeko alean zehazten denez, bizi garen testuinguru beltz honetan,ekonomiaz
argitaratzen diren albiste gehienak oso ezkorrak dira. Oro har, 2010. urtea
zertxobait hobea izango dela aurreikusten du, baina ekonomia aurreratuek ez dute
hazkunderik lortuko eta Euroguneak balio negatiboak jasoko ditu berriro.
Informazio gehiago...
Koiunturaz
Hiruhileko buletin honek, 2008ko laugarren
hiruhilekoaren analisia jasotzen du. Hiruhileko horretan, euskal ekonomiak lau
hamarrenetara mugatu zuen bere BPGaren hazkundea.
Hala eta guztiz ere, oraindik hazkunde tasa positiboei eutsi zien, garatutako
ekonomia eremu ia guztietan, epealdi berean, beherakadak jaso ziren bitartean.
Informazio gehiago...
Europako hirien garapen iraunkorra bultzatuz
Europako Batzordeko Eskualde Politikarako Zuzendaritza Nagusiak argitaratu
duen txosten honek, hirien eta eskualdearen garapenaren arteko erlazioa,
hiriek eta hiri-politikak garapen iraunkorrean duten eragina eta Europako hiri
ezberdinetako garapen ikuspegiak aztertzen ditu.
Dokumentu honek, azken bi hamarkadetan indarrean egon den Urban ekimenaren
esparruko esperientziak jaso eta diruz lagundu diren proiektuen jardunbide
egokien adibideak aurkezten ditu.
Informazio gehiago...(Ingelesez)
Informazio gehiago...(Frantsesez)
Kohesio-politikaren etorkizuna eztabaidagai
Fabricio Barca-k, Eskualde Politikarako
Zuzendaritza Nagusiak hala eskatuta, burutu duen kohesio politikaren
bilakaerari buruzko txosten honek, 2013tik aurrerako erreforma prozesuaren
oinarri gisa balioko du.
Txostenak esparru honetako lehentasun nagusiak aurkezten ditu, eta baita
kohesio
politikaren oinarrien beharrezko erreformari buruzko gomendioak ere.
Informazio gehiago...(Ingelesez)
Eguneroko kontsumo ondasunen banaketa: lehia, oligopolioa eta isilpeko kolusioa
Lehiaren Defentsarako Euskal Auzitegiak “Eguneroko kontsumo ondasunen banaketa:
lehia,oligopolioa eta isilpeko kolusioa” txostena argitaratu du.
Lehiaren Defentsarako Euskal Auzitegiak ikerlan honetan aipatzen duenez,
berariazko akordiorik gabe ere, enpresa liderren politikek (Carrefour,
Mercadona eta Eroski) kalte egiten diete txikizkako merkatuko lehiari.
Praktikan, egoera honek kontsumitzaileari ere eragiten dio, izan ere, hauek,
aukera gutxiago dituzte eta, sarri, prezio altuagoak ordaindu behar
dituzte.
Informazio gehiago...(Gastelaniaz)
Espainiako Bankuaren finantza egonkortasunari buruzko txostena
Espainiako Bankuaren Finantza
Egonkortasunari buruzko seihileko txostenean zehazten denez, azken hilabeteetan
nazioarteko finantza ingurunea zaildu egin da eta Espainiako ekonomiak, beste
hainbat herrialdek bezala, atzeraldi nabarmena jasan du, aurreikusitakoa baino
gogorragoa.
Espainiako Gordailu Erakundeek berankortasun tasa altuagoak dituzte eta presio
handiagoak jasan behar dituzte euren irabazien kontu eta kapitalean; bitartean,
jarduera ez da iraganeko erritmo berean haziko.
Dena den, entitate guztiek ez dute jasaten presio bera, izan ere, hazkunde
garaian kreditu eta arriskuen kudeaketa politika ezberdinak garatu dituzte eta,
ondorioz, berankortasun tasak ere diferentziak nabari dira. Hala eta guztiz ere,
gaur egun, beharrezkoa da Espainiako banku-sistema berdimentsionatu eta kostuak
optimizatzera bideratutako estrategiak garatzea.
Informazio gehiago...(Gastelaniaz)
Alemaniako eskualdeak dira Europako I+Garen esparruko liderrak
Eurostaten txosten honek, I+Garen esparruko
gastuaren Europako eskualdeen ranking-a aurkezten du. 2005. urtean, hogei izan
ziren I+Gra euren BPGaren %3a baino gehiago bideratzen zuten eskualdeak (Lisboako
Estrategiaren helburua).
Eskualde hauek Alemania (zortzi eskualde) eta Suediakoak ziren. Gastu
intentsitate handieneko eskualdeak, hau da, %5etik gorakoak, Alemaniako
Braunchsweig eta Sttutgart eta Suediako Västsverige izan ziren.
Informazio gehiago...(Ingelesez)
Euskal Autonomia Erkidegoko Kanpo-merkataritza 2008
Eustatek dokumentu honek, Euskal Autonomia
Erkidegoaren 2008 urteko kanpo-merkataritzaren esparruko emaitza nagusiak
aurkezten ditu. Urte honetan esportazioak 19.888 milioi eurokoak izan ziren eta
inportazioak berriz 20.102 eurokoak; bi fluxuek %7ko hazkundea izan zuten.
Kanpo-merkataritza defizitarioa izan zen beraz, 214 milioi eurotan eta estaldura-tasa
%98,9an kokatu zen, aurreko urtean baino lau hamarren baxuagoa.
ELGEren gizarte adierazleak
Gizartearen ikuspegia 2009-ELGAren
gizarte adierazleak txostenak, estatu-kideen gizarte gaiei buruzko informazio
estatistiko zabala eskaintzen du: demografia- eta familia-ezaugarriak, enplegua
eta langabezia, pobrezia eta desberdintasunak, gizarte babesaren eta osasun
esparruko gastua eta gogobetetze maila (pertsonala eta lanbidekoa).
Informazio gehiago..(Ingelesez)
Euskal Autonomia Erkidegoko Industria eta Eraikuntzaren Estatistika 2007
Eustatek
argitaraturiko datuen arabera, euskal industriak sortutako balio erantsiak %7ko
hazkundea izan zuen 2007, batez ere, Metalurgia eta metalezko artikuluen,
Garraio materialaren eta Industria ez metalikoaren sektoreek bultzatuta.
Bestalde, ustiapeneko soberakin gordina %9 hazi zen, zerga aurreko emaitza %14
eta pertsonal kostuak %4.
Eraikuntza sektoreari dagokionean, Balio Erantsi Gordin nominalak hazkunde
nabarmena izan zuen, %16koa.
Informazio gehiago...
EJko Ekonomia eta Plangintza Zuzendaritza
Donostia - San Sebastián kalea, 1
01010 - Vitoria-Gasteiz, O eraikina, 2
solairua
