Ongi etorri Ekonomia eta Ogasun Saileko web orrira. Bertan aurkitu ahalko duzu Sailburuordetzak burutzen duen jarduerari buruzko edozein informazio. Jarduera horien artean aipagarri ditugu ekonomia eta aurrekontu alorretako plangintza, zerga eta finantza politikaren diseinua, aurrekontuaren eta zor publikoaren kudeaketa, finantza erakundeekiko harremanak, Ondarea, Ekonomia Ituna, Kupoa, foru aldundien ekarpenak, Europako funtsen estatistika eta koordinazioa.

Informazio eta komunikazioko teknologia berriei esker tresna baliagarriak dauzkagu herritarrengandik hurbilago egoteko, aldi berean beraiekin harreman azkarragoa eta zuzena bermatzen dutela.

Nahi genuke weba topagune bat izatea non gainera eskuratu ahalko dituzun gertuen dauden datu makroekonomikoak, Saileko azterlan zerbitzuek prestatzen dituzten argitalpen eta txostenak, Eusko Jaurlaritzaren tresnak krisi aurrean eta, azken batean, edozer baldin eta Ekonomia eta Ogasun Sailari dagozkion ahalmenekin loturikoa bada.

Ondo izan!