Euskadiko Administrazio Orokorreko herri-zorra 

     Eusko Jaurlaritzaren zorpetze-politikak zenbait printzipio orokor izan ditu gidari. Labur bilduta, hauexek dira: merkatuak ugaritzea, zorpetze-kostua txikitzea, zorpetzearekin batera ekonomi politikako ekintzak burutzea eta baloreen bigarren mailako merkatuen (Bilboko Burtsa batez ere) eraginkortasuna gehitzea. Gaur egunera arte, politika hori balore negoziagarrien jaulkipenetan gauzatu da, eurotan zein atzerriko monetan egindakoak.

      Orain arte dibisetan egin diren lau jaulkipenek sendotu egin dute Euskal Autonomia Erkidegoak finantza-merkatuetan zeukan kaudimen-irudia. Irudi horren arrazoia bilatzen hasita, hauxe izan zitekeen: gure erkidegoak ratin handiak (eragiketa horietako bakoitzeko jesapenak itzultzeko gaitasunari buruzko kalifikazioak) jaso ditu arlo horretako enpresa nagusienetatik, alegia, Standard & Poor's -etik eta Moody's -etik. Rating hauek, "AA" eta "Aa2", hurrenez hurren, onenen artean daude Autonomia Erkidego guztiei begira.

     60; Eusko Jaurlaritzaren Epe Ertaineko Ekonomi Planak herri-defizitari eta zorpetzeari buruz jasotzen dituen aurreikuspenak ondo bete dira eta, gainera, plan horretan ezarritako emaitzak baino hobeagoak lortu ere bai; aurreikuspen horiek, Elkarganatzeko Planaren barruan, beren baitan jasotzen zuten aldagai horietarako Administrazio Zentralarekin itundutako bidea.

      Zor Biziaren zenbatekoa 2003ko abenduaren 31n 1.047,8 miloi eurokoa da, interes tasa finkoaz zati bat eta interes tasa aldakorraz bestea.   Finantza karga (interesak eta amortizazioak) 2003ko ekitaldian Euskal Autonomia Erkidegoaren aurrekontuaren gaineko %3,44ko portzentajea izan da, beraz oso urruti legezko muga den %25etik .

      EAEko zorpetzeak gure Barne Produktu Gordinaren gainean duen garrantziari dagokionez, aipatu behar da 2003 urtearen amaieran %2,35 portzentajeaz Euskadi dela Estatuan zorpetze erlatibo txikiena duen erkidegoa.   (Honekin batera doa autonomia erkidegoen araberako Ratio/BPG koadroa Espainiako Bankuak argitaratutakoa).