Urteko txostena

Txosten honek EAEko ekonomiaren egoera bere ziklo ekonomikoan aztertzen du.

Hiruhilabetekako txostenetan ez bezala, argitarapen honetan kontuan hartzen den denbora unitatea urteko aldakuntza da.

Horretarako, analisiaren oinarrian Eustaten urteko kontu ekonomikoetako datuak daude.

Txostenaren egituran honako atal hauek aurkitzen dira: ekonomiaren testuingurua, ekoizpen jarduera, eskariaren agregatuak, lan merkatua, prezioak, kostuak eta soldatak, arlo publikoa eta finantza arloa.

Azkenik, estatistika eranskin bat gehitzen da

Dokumentua (621 Kb)

2006. urtean, EAEko ekonomiak bere hazkunde erritmoa bizkortzeko joerari eutsi zion, dagoeneko hamahiru urtez luzatzen den ziklo hedakor baten barruan. Zehazkiago adierazita, barne produktu gordina (BPG) %4,2 gehitu zen azken ekitaldian eta termino errealetan, azken sei urteetako tasarik altuena delarik. Zalantzarik gabe, oso emaitza ona da, bereziki ekonomia aurreratuen multzoak izan dituen datuekin alderatzen bada. Izan ere, herrialde horiek, batez bestean, gehikuntza tasa garrantzitsuak ere jaso zituzten, baina %3,1era mugatu zuten hazkundea. Are gehiago, 2007. urterako dagoeneko ezagutzen diren datuek eta datozen
urteetarako aurreikuspenek agerian uzten dute EAEko ekonomiaren hazkundeak datozen urteetan ere jarraituko duela aurreratzen dute, nahiz eta aldakuntza tasak txikiagoak izango diren.