Dok Ekonomiaz

Eusko Jaurlaritzako Ekonomia eta Plangintza Zuzendaritzak DoK EKONOMIAZ izeneko ildo editorial berri honekin Ekonomia enpirikoa eta aplikatuaren eremuko ikerlanak argitaratzeari hasiera ematen dio. Lan hauek, duten neurriagatik eta ez beraien zehaztasunarengatik, artikulu zientifikoaren eta lan luzearen bide erdian daude.

DoK EKONOMIAZ delako honek ekonomiaren globalizazio bizkorrak eragiten dituen etengabeko aldaketen menpe dagoen benetako ekonomian ikusten ditugun fenomenoei buruzko ikerketen katalogo bat argitaratzeko asmoa du. DoK EKONOMIAZ markapean argitaratuko diren azterlan ekonomikoek hobezintasunaren eredua betetzea dute helburu. Eredu hori, Thomas Mayer-ek esaten duen bezala, zehatza eta mundu errealaz arduratzen den azterketa batean datza. Argitalpen bilduma berri hau EKONOMIAZ aldizkariak irmoki bereganatutako ospearen babespean sortu da.

Dokumentoa (2,4 MB)

Lurralde baten lehiakortasun maila betearazpen ekonomikoaren adierazle batzuetan islatzen da eta, horien artean, lehiakortasun maila hobeto islatzen duena lurralde horren ongizate mailakoa da, BPG per cápita delakoan neurtuta dagoena.
Adierazi behar da lurralde garapenerako eredu batentzako funtsezko elementu bat udalerri eta eskualdeen aktibo eta ahalmenen multzoaren erabateko inbentario bat egitea dela. Horri esker, udalerrien eta lurraldearen, oro har, indar ekintzailea eta abantaila lehiakorrari buruzko diagnosia egiteko aukera izango dugu.

Indar ekintzaile hori toki adierazleen panel batean islatzen da. Panel horren lanketa, helburu baten betetze maila neurtzeaz gain, sor daitezkeen joerak nahiz egiturazko aldaketak antzemateko dituen fidagarritasunak eta ahalmenak gidatu dute. DoK EKONOMIAZ delakoaren lehen zenbaki honetan Iraurgi Hiria (Azkoitia eta Azpeitia) eskualderako aurkezten den adierazleen multzoak, herri baten kokapen lehiakorra zehazteko aukera emango digu, Michael Porter-en metodoaren arabera, dagoeneko ospetsua den bere "lehiakortasun diamantea" izenekoan gauzatutakoa, eta ekintza politikoaren funtsezko gida bat bihurtzeko asmoa du.