Lehia

Lehia eraginkorraren alde egiten dugu lan
produktu gehiago eta prezio hobeak gure esku egoteko
enpresen lehiakortasuna sustatzeko
euskal ekonomiaren hazkundea laguntzeko

Merkatu ekonomia delakoan, lehia askea da bermerik onena bai kontsumitzaileek bai enpresek gure gustu eta beharrei hobeto egokitzen zaiena aukera dezagun, une bakoitzean kalitate prezio erlaziorik onena lortuz.

Kontsumitzaileen ongizatearen mesederako izateaz gain, lehia askeak enpresen produktibitateari ere laguntzen dio eta honek, azken finean, ekonomiaren hazkundearen alde egiten du eta ekonomiaren garapen handiagorako bidea da.

Halere, zenbaitetan, onura gehiago lortzea helburu duten eragile ekonomiko batzuek lehia askearen printzipio gidariei uko egiten diete, esate baterako, prezioak adostuz edo lehiakideak merkatutik kanporatuz, merkatuaren funtzionamendu lehiakorrak enpresentzat eta herritarrentzat dituen abantailei kalte eginez.

Hori saihesteko, lehia askea babesteko arauen sistema bat dago, hura arautzen duena eta lehia askea muga lezaketen jarduerak debekatu eta zigortzen dituena.

Lehiaren Defentsarako organoen zeregina arau horiek bere eskumeneko esparruan ezartzean datza, merkatuaren funtzionamendu lehiakorra bermatzeko esku hartuz eta horren onurak gizarte osora hel daitezen bermatuz.

Euskadiko Komunitate Autonomoan zeregin hau dagokio Lehia Defentsarako Euskal Zerbitzuari eta Leiha Defentsarako Euskal Auzitegiari, lehenegoa ikertze lanetan eta bigarrena, kasuz kasu, isunak jarriz.