itzuli

Eginkizunak

Lehiaren Defentsarako Euskal Zerbitzuaren eginkizunak Lehiaren Defentsarako Euskal Auzitegia sortzeko eta Euskal Autonomia Erkidegoko Lehiaren Defentsarako Zerbitzuak izango dituen eginkizunak ezartzeko den apirilaren 12ko 81/2005 Dekretuan jasota daude. Dekretu hori martxoaren 4ko 36/2008 Dekretuak aldatu du.

81/2005 Dekretuaren 13. eta 18. artikuluetan, 36/2008 Dekretuaren arabera, jasota daude Euskal Autonomia Erkidegoko Lehiaren Defentsarako Zerbitzuaren eginkizunak. Hona hemen aipagarrienak:

• Ofizioz, norberaren ekimenez, Lehiaren Defentsarako Euskal Auzitegiak eskatuta edo salaketa bidez, lehiaren jokaera murriztaileen ziozko zehapen prozeduren instrukzioa, ikerketa eta ebazpen-proposamena egitea; gainera zehapen espedienteen instrukzioan gerta daitezkeen gorabeheren gainean ebatzi eta kautela-neurriak har daitezen proposatuko du.
  
  
• Lehiaren Defentsarako Euskal Auzitegiak bere zehapen ebazpenetan ezarritako betebeharrak betearazten eta betetzen direla zaintzea. Alabaina, horiek betetzen ez badira Lehiaren Defentsarako Euskal Auzitegiari proposatuko zaio hertsatzeko isunak jar ditzan.
  
  
• Hertsatzeko isunak jartzea Lehiaren Defentsarako Zerbitzuarekiko lankidetza-betebeharra betetzen ez bada.
  
  
• Enpresen edo enpresa-elkarteen ikuskapenak egitea.
  
  
• Arbitraje-prozedura bideratzea, baldin eta eskumendetasunaren xedea Euskal Autonomia Erkidegoko lehiaren defentsarako arloko araudia aplikatzea bada.
  
  
• Lehia eraginkorra bultzatzeko beste eginkizun batzuk betetzea:
  
  
  • Sektore ekonomikoei eta merkatuei buruzko txosten orokorrak egitea, lehia askea oinarritzat hartuta.
    
  • Sektore publikoaren jardunari buruzko txostenak egitea, baita lege-mailako arauen arabera aplikagarriak diren merkatuetan lehia eraginkorra mantentzea eragozten duten egoerei buruzko  txostenak ere.
    
  • Euskal Autonomia Erkidegoko Administrazio Publikoei lehiaren defentsarako arloaren inguruko txostenak eta/edo gomendioak zuzentzea.

Laguntza materiala

81/2005 Dekretua (150 KB)

36/2008 Dekretua (150 KB)