|
Azkenekoa
Europak EGEFeko 7,1 milioi euro zuzentzen ditu lurralde-lankidetzako euskal proiektuetarako (2012/02/08)
Otsaileko 7an Espainia-Frantzia-Andorra Lurralde Lankidetza Programa Eragilearen Programazio Batzordeak onartu zuen euskal sustatzaileen lurralde-lankidetzako 22 proiektuen programazioa.
Koiuntura DI-DA batean 2012ko otsaila (2012/02/01)Lan merkatuaren laugarren hiruhilabeteko datuek baieztatu dute enpleguak EAEn okertzeko joerari jarraipena eman diola eta azken urtebetean %1,4 jaitsi dela. Beraz, krisia hasi zenetik 50.000 lanpostu inguru galdu dira. Langabezia tasak gora egin du berriro eta %11,2an kokatu da, Estatu osorako estimatu den baliotik (%22,85) oso behera, baina Eurogunearen batez besteak jaso duena (%10,3) baino zertxobait gorago.
C-Intereg (2012/01/18)Txosten honetan, Espainiako autonomia erkidegoetako barne merkataritzako (erkidegoaren barneko eta erkidegoen arteko) adierazle bilduma baten bilakaera aztertzen da, modu labur batean. Erkidegoetako adierazle horiek ekoizpenaren eta nazioarteko merkataritzaren datu baliokideekin alderatu daitezke.
Koiunturaz 77 (2012/01/12)
2011ko hirugarren hiruhilekoan, EAEko ekonomiak bere hazkunde erritmoa leundu zuen eta barne produktu gordinaren urte arteko tasa %0,6an kokatu zuen, aurreko balioa baino bi hamarren beherago, ahultasun handiko epealdia nozitzen ari dela agerian utziz. Hain zuzen ere, azken honekin dagoeneko sei hiruhilekoz jarraian pilatu ditu hazkunde positiboak EAEko ekonomiak, baina horietan guztietan ez da behin ere %1,0ra iritsi, enplegua sortzea edo galtzea banatzen duen marra izaten baita tasa hori.
Ekonomiaz 78: Kultura eta sorkuntza-industriak jakintza desorekatuko gizartean (2012/01/12)Betiko kultura-industriak, sektore ekonomiko esanguratsua izateaz gain gizarte baten egitura, izaera, kohesioa, eta garapen-maila sendotzen ditu. Gaur egun, digitalizazioarekin lotuta dauden berrikuntza prozesuek, aisiari helduta agertu diren industria berriek, eta edozein produkzioren alde kulturalak (diseinua, arkitektura, publizitatea, turismo kulturala, moda eta abarrek) erakusten gaituzte joera jakin batzuk. Horiek ezinbestekotzat hartzen dituzte kultura eta sorkuntza-industriak etorkizunean garapen ekonomikoa lortzeko.
Euskal administrazioen 2009ko kontu ekonomikoak (2011/07/29)
Kontabilitate nazionalari dagokionez (KES-95), euskal administrazioek -3.302,5 milioi euroko defizita izan zuten 2009. urtean. Aldi horretan erakunde guztiek izan zuten defizita, eta nabarmentzekoa da EAEko Administrazioa, -2.544,7 milioi euroko saldo negatiboa ageri baitu. Arabako Foru Aldundiak eta toki-erakundeek -173,5 milioiko defizita dute, Bizkaikoek -208,2 milioikoa, eta Gipuzkoan defizita -376,0 milioi eurokoa da. Guztizko defizita EAEko 2009ko BPGd-ren % 5,1ekoa izan da.
|
|
Estatistikak
Argitalpenak
Mintegi eta 
